బాలీవుడ్ స్టార్ సంజయ్ దత్ అనారోగ్యం పై ట్వీట్ చేసిన చిరంజీవి
By: chandrasekar Thu, 13 Aug 2020 04:46 AM
బాలీవుడ్ స్టార్ యాక్టర్
సంజయ్ దత్ అనారోగ్యం పై ట్వీట్ చిరంజీవి
చేశారు. బాలీవుడ్ స్టార్ యాక్టర్ సంజయ్ దత్ ఆరోగ్య పరిస్థితిపై మెగాస్టార్
చిరంజీవి స్పందించారు. ఆయన అనారోగ్యం గురించి తెలిసి చాలా బాధ కలిగిందని చిరంజీవి
పేర్కొన్నారు. బాలీవుడు ప్రముఖ నటుడు సంజయ్ దత్ అనారోగ్యానికి గురైన విషయం
తెలిసిందే. ఆయనకు ఊపిరితిత్తుల క్యాన్సర్ అని వైద్య పరీక్షల్లో వెల్లడైంది.
కాన్సర్ మూడో స్టేజ్లో ఉందని వైద్యులు గుర్తించారు. త్వరలోనే ఆయన చికిత్స కోసం
అమెరికా వెళ్లనున్నట్లు తెలిపారు.
సంజయ్ దత్కు క్యాన్సర్
అని తెలియగానే చాలా మంది ప్రముఖులు సోషల్ మీడియా ద్వారా స్పందించారు. సంజయ్ దత్
త్వరగా కోలుకోవాలని కోరుకున్నారు. తాజాగా మెగాస్టార్ చిరంజీవి సైతం ట్విట్టర్
ద్వారా స్పందించారు. డియరెస్ట్ సంజయ్ దత్ భాయ్, మీరు ఇలాంటి ఆరోగ్య పరిస్థితిని ఎదుర్కొంటున్నారని
తెలిసినప్పటి నుంచీ చాలా బాధగా ఉంది. కానీ, మీరొక యోధుడు. గడిచిన ఏళ్లలో ఎన్నో సంక్షోభాలను
ఎదుర్కొని నిలబడ్డారు. ఇప్పుడు కూడా మీరు దీన్ని జయిస్తారనడంలో ఎలాంటి సందేహం
లేదు. మీరు త్వరగా కోలుకోవాలని మేమంతా ప్రార్థిస్తున్నాం అని చిరంజీవి తన ట్వీట్లో
పేర్కొన్నారు.
టాలీవుడ్ లోని చిరంజీవితో
బాలీవుడ్ లోని సంజయ్ దత్కు మంచి అనుబంధం ఉంది. దక్షిణాదిలోని సంజయ్ దత్కు ఉన్న
స్నేహితుల్లో చిరంజీవి ఒకరు. రామ్ చరణ్ బాలీవుడ్కు పరిచయమైన ‘జంజీర్’ సినిమాలో
సంజయ్ దత్ కీలకమైన షేర్ ఖాన్ పాత్ర పోషించారు. ఈ పాత్రను తెలుగులో శ్రీహరి చేశారు.
‘జంజీర్’ సినిమా ప్రమోషన్లలో సంజయ్, చిరంజీవి చాలా క్లోజ్గా కనిపించారు. అనారోగ్యం పాలైన
సంజయ్ దత్ ఆగస్టు 8న ఊపిరి పీల్చుకోవడానికి బాగా ఇబ్బంది పడటంతో
సన్నిహితులు ఆయన్ని లీలావతి హాస్పిటల్లో చేర్చారు.
అనారోగ్యం పాలైన సంజయ్ దత్ ట్విట్టర్ ద్వారా తాను బాగానే
ఉన్నానని ఆరోజు వెల్లడించారు. తనకు కొవిడ్-19 పరీక్ష చేశారని, నెగిటివ్ వచ్చిందని చెప్పారు. ప్రస్తుతం వైద్యుల
పర్యవేక్షణలో ఉన్నానని, లీలావతి హాస్పిటల్ డాక్టర్లు, నర్సులు
సాయంతో ఒకటి రెండు రోజుల్లో ఇంటికి వచ్చేస్తానని స్పష్టం చేశారు. అయితే, ఆ
మరుసటి రోజు వచ్చిన రిపోర్ట్స్లో సంజయ్ దత్కు ఊపిరితిత్తుల క్యాన్సర్ అని
తేలింది. దీనిపై చాలామంది బాలీవుడ్ ప్రముఖులు స్పందించారు.
సంజయ్ దత్ తనకు క్యాన్సర్
అనే విషయాన్ని స్వయంగా వెల్లడించలేదు. ఆయన సన్నిహితుల ద్వారా తెలిసింది. అయితే, తాను
కొన్ని రోజుల పాటు షూటింగ్కు దూరం కానున్నట్టు సంజయ్ దత్ స్పష్టం చేశారు. ఈ మేరకు
ట్వీట్ చేశారు. చికిత్స నిమిత్తం తాను షూటింగ్ల నుంచి విరామం తీసుకుంటున్నానని, అయితే
తన అభిమానులు కంగారు పడాల్సిన అవసరం లేదని అన్నారు. తన ఆరోగ్యంపై ఎలాంటి వదంతులను
నమ్మవద్దని, త్వరలోనే ఆరోగ్యంగా తిరిగి వస్తానని స్పష్టం చేశారు.
ఈ విషయం విన్న అతని ఫ్యాన్స్ మొత్తం శోక సముద్రంలో మునిగారు. సంజయ్ దత్ త్వరగా
కోలుకొని తిరిగి సినిమాల్లో నటించాలని వారు దేవుడిని ప్రార్ధించారు.