నిన్ను మరిచిపోలేకపోతున్న సుశాంత్ ..భూమిక భావోద్వేగ పోస్ట్
By: Sankar Sat, 04 July 2020 8:08 PM
బాలీవుడ్ యంగ్ హీరో సుశాంత్ సింగ్ మరణాన్ని ఇప్పటికి చాలా మంది మరిచిపోలేకపోతున్నారు ..ఎంతో భవిష్యత్ ఉన్న నటుడు ఇలా అర్థాంతరంగా చనిపోవడంతో అందరూ ఆ మరణాన్ని జీర్ణించుకోలేకపోతున్నారు .. కాగా సుశాంత్ జ్ఞాపకాలు నేటికీ మరచిపోలేక పోతున్నానని పేర్కొంటూ తాజాగా హీరోయిన్ భూమిక చావ్లా భావోద్వేగపూరిత పోస్ట్ పెట్టింది.
దాదాపు 20 రోజులు గడిచిపోయాయి. కానీ ఇప్పటికీ నీ ఆలోచనలతోనే నిద్ర లేస్తున్నాను. నీతో కలిసి పనిచేసింది ఒక్క సినిమాలోనే అయినా ఇప్పటికీ మరచిపోలేకపోతున్నా. అవును సినిమా ఇండస్ట్రీలో కొనసాగడం అంత సులువైన విషయం కాదని నేను అంగీకరిస్తున్నా. ఈ ప్రపంచంలో మనల్ని గౌరవించే వారితో పాటు వ్య‌తిరేకించే వారు కూడా ఉంటారు. వ్య‌తిరేకించే వాళ్ళను పక్కనబెట్టి ముందుకు సాగిన‌పుడే జీవితం ఆనంద‌ంగా ఉంటుంది. ఏదేమైనా గుడ్ బై సుశాంత్.. నువ్వెక్కడున్నా నీ కోసం, నీ ఫ్యామిలీ కోసం ప్రార్థిస్తున్నా'' అని తన లేఖలో రాసింది భూమిక.
కాగా `ధోనీ` సినిమాలో సుశాంత్‌తో కలిసి నటించింది భూమిక. ఈ మూవీలో భూమిక, సుశాంత్ అక్కాతమ్ముళ్లుగా నటించారు. ఆ ఒక్క సినిమాతోనే సుశాంత్‌తో మంచి అనుబంధం ఏర్పర్చుకుంది భూమిక. అయితే సుశాంత్ ఆత్మహత్య చేసుకున్నాడనే విషయాన్ని ఆమె నేటికీ నమ్మలేకపోతోందట. తాజాగా సుశాంత్ మరణంపై ఈ భావోద్వేగ లేఖను తన ఇన్‌స్టాగ్రామ్‌ ఖాతా ద్వారా షేర్ చేసింది భూమిక.
