శ్రీకారం నుంచి ఫోక్ సింగర్ పెంచల్ దాస్ పాడిన 'భలేగుంది బాల' సాంగ్ ప్రోమో విడుదల

శర్వానంద్ హీరోగా వస్తోన్న తాజా చిత్రం ‘శ్రీకారం’. ప్రియాంక అరుళ్ మోహన్ హీరోయిన్. కిశోర్ బి దర్శకత్వం వహించారు. 14 రీల్స్ ప్లస్ బ్యానర్‌పై రామ్ ఆచంట, గోపి ఆచంట నిర్మిస్తున్నారు. మిక్కీ జే మేయర్ సంగీతం సమకూరుస్తున్నారు. సాయిమాధవ్ బుర్రా సంభాషణలు రాశారు. జె.యువరాజ్ సినిమాటోగ్రఫీ అందించారు. ఇటీవలే తిరుపతిలో ఒక షెడ్యూల్‌ను చిత్ర యూనిట్ పూర్తి చేసుకుంది.

ఇదిలా ఉంటే, ఈ సినిమా నుంచి మంచి ఫోక్ సాంగ్‌ను విడుదల చేస్తున్నారు నిర్మాతలు. ‘భలేగుంది బాలా’ అంటూ సాగే ఈ పాటను రాయలసీమకు చెందిన రచయిత, జానపద గాయకుడు పెంచల్ దాస్ ఆలపించారు. ఆయనే స్వయంగా సాహిత్యం అందించారు.

నాని ‘కృష్ణార్జున యుద్ధం’ సినిమాలోని ‘దారి చూడు దుమ్ము చూడు మామ’ పాట ద్వారా పెంచల్ దాస్ టాలీవుడ్‌కు పరిచయం అయిన సంగతి తెలిసిందే. ఆ తరవాత ‘అరవింద సమేత’ సినిమాకు కూడా ఆయన పనిచేశారు. ఇప్పుడు మరో మంచి ఫోక్ సాంగ్‌తో తెలుగు ప్రేక్షకులను ఉర్రూతలూగించడానికి వస్తున్నారు.భలేగుంది బాలా’ పాటను నవంబర్ 9న సాయంత్రం 5:40 గంటలకు విడుదల చేస్తున్నారు. ఈ మేరకు గురువారం సాంగ్ ప్రోమోను విడుదల చేశారు