ఆర్జీవీ 'పవర్ స్టార్' ట్వీట్ పై తడబడిన బండ్ల గణేష్
By: chandrasekar Mon, 27 July 2020 10:46 PM
టాలీవుడ్ కమెడియన్, నిర్మాత
బండ్ల గణేష్ ఏది మాట్లాడినా కామెడీగానే ఉంటూనే జనాల్లో సీరియస్ డిస్కషన్ అవుతుందని
చెప్పుకోవడంలో అతిశయోక్తి లేదు. ఈ క్రమంలోనే రామ్ గోపాల్ వర్మ Vs పవర్
స్టార్ ఇష్యూ సీరియస్గా నడుస్తున్న సమయంలో ఓ పని చేసి షాకిచ్చారు గణేష్.
పవన్ కళ్యాణ్ నా దేవుడు
అని చెప్పుకునే ఆయన ఆర్జీవీకి సపోర్ట్ చేసేలా 'పవర్ స్టార్' వీడియోకి లైక్ కొట్టేశారు. ఆ తర్వాత సారీ పొరపాటున
జరిగిందంటూ పవన్ ఫ్యాన్స్కి క్షమాపణ కూడా చెప్పి జనాల చర్చను తనవైపుకు
తిప్పుకున్నారు. ఈ నేపథ్యంలో తాజాగా జరిగిన ఇంటర్వ్యూలో ఇదే విషయమై ఆయనకు ఓ ప్రశ్న
ఎదురైంది. దీనిపై స్పందించిన బండ్ల గణేష్ ఒట్టు నిజం చెప్తున్నా ట్విట్టర్ ఎలా
వాడాలో పూర్తిగా తెలియకే ఆ పని చేశానంటూ వివరణ ఇచ్చారు.
కారులో జర్నీ చేస్తూ ఫోన్లో
ట్విట్టర్ చూస్తూ వెళ్తుంటే అనుకోకుండా లైక్పై ప్రెస్ అయిందని, ఇంతలో
రోడ్డుపై ఓ వ్యక్తి ప్రమాదానికి గురికావడంతో కారు దిగి అతని వద్దకు వెళ్లానని
చెప్పుకొచ్చారు బండ్ల గణేష్. అయితే ఆ లైక్ చూసిన పవన్ ఫ్యాన్స్ తనను నిలదీశారని, అందుకే
వెంటనే వారికి క్షమాపణ చెప్పానని బండ్ల గణేష్ పేర్కొన్నారు. ట్విట్టర్లో ఓ సారి
లైక్ కొట్టాక ఎలా దాన్ని డిస్ లైక్ చేయాలో తనకు తెలియకే అలా వదిలేశానని అన్నారు. ఆ
తర్వాత వేరే వ్యక్తి వచ్చి మళ్లీ లైక్ కొట్టమంటే అది డిస్ లైక్ అవుతుందని
చెప్పడంతో దాన్ని డిస్ లైక్ చేశానని క్లారిటీ ఇచ్చారు బండ్ల గణేష్. ఆయన చెప్పిన ఈ
సంగతి విని 'ఇకనైనా జాగ్రత్త సార్ లేదంటే కష్టంతో పాటు నష్టం కూడా' అంటూ
కామెంట్స్ చేస్తున్నారు సినిమా నెటిజన్లు.