పన్నెండు భాషల్లో విడుదల అవుతున్న ధీర ఫస్ట్ లుక్ రిలీజ్
By: Sankar Wed, 11 Nov 2020 10:23 PM
శ్రీకృష్ణదేవరాయలు ఆస్థానంలో ఒకరిగా ఉన్న తెనాలి రామకృష్ణ ఎంతో ప్రసిద్ధి చెందిన వారో చెప్పనక్కర్లేదు. ఎందుకంటే తెనాలి రామకృష్ణ అంత ఫేమస్‌. ఆయన వికటకవిగా ప్రసిద్ధి చెందాడు.
అయితే..ఈ పురాణ కవి తెనాలి రామకృష్ణ ఆధారంగా ఓ యానిమేషన్‌ మూవీ రూపొందుతోంది. ఈ సినిమా పేరు "ధీర"..దీనికి క్యాప్షన్‌ "బుద్ధి రిద్ధి సిద్ధి". భారత దేశపు అతి పెద్ద మోషన్‌ క్యాప్చర్‌ ఫీచర్‌ ఫిల్మ్‌గా తెరకెక్కుతున్న ఈ చిత్రానికి అరుణ్‌ కుమార్‌ రాపోలు దర్శకత్వం వహిస్తున్నాడు. అయితే.. తాజాగా ఈ సినిమాకు చెందిన ఫస్ట్ లుక్‌ని ఈ చిత్ర యూనిట్‌ విడుదల చేసింది. ఈ ఫస్ట్ లుక్ పోస్టర్‌ అందరినీ ఆకట్టుకుంటోంది.
ఈ సినిమా ప్రత్యేకత ఏమిటంటే... పాన్‌ ఇండియా లెవల్లో 12 భాషల్లో "ధీర" విడుదల కానుంది. అయితే... ఈ సినిమా తెలుగు వర్షన్‌కు టాలీవుడ్ యువ హీరో బెల్లంకొండ సాయి శ్రీనివాస్‌ వాయిస్‌ ఓవర్‌ ఇస్తున్నారు. అలాగే ఈ చిత్రానికి మురళి సంగీతం అందిస్తున్నారు. ఈ సినిమా ఎప్పుడు రిలీజ్ చేస్తున్నది చూడాలి..
