అల్లు అర్జున్ లారీ డ్రైవర్ గా కనిపించనున్నాడు
By: Sankar Wed, 20 May 2020 4:07 PM
‘పుష్ప’ సినిమా స్టైలిష్ డైరెక్టర్ సుకుమార్ – అల్లు
అర్జున్ హీరోగా తెరకెక్కుతున్న ఈ సినిమాలో రష్మిక
హీరోయిన్ గా నటిస్తోంది. అల్లు అర్జున్ మరియు సుకుమార్ కాంబినేషన్ లో రాబోతున్న హ్యాట్రిక్ సినిమా
కావడంతో అందరి కళ్ళు ఇప్పుడు ఈ సినిమాపైనే ఉన్నాయి. అంతేకాకుండా ‘రంగస్థలం’ వంటి
బ్లాక్ బస్టర్ తరువాత సుకుమార్ రూపొందిస్తున్న సినిమా.
‘అల వైకుంఠపురంలో’ సినిమా తర్వాత అల్లు అర్జున్
నటిస్తున్న సినిమా ఇది కావడంతో ఈ సినిమాపై భారీ అంచనాలు ఉన్నాయి. ఇప్పటికే ఒక
షెడ్యూల్ కంప్లీట్ చేసుకున్న ఈ సినిమా రెండవ షెడ్యూల్ కోసం కేరళ వెళ్లాలని ప్లాన్
చేయగా.. కరోనా వచ్చి అన్నిటిని తారుమారు చేసింది. శేషాచలం అడవుల్లో ఎర్ర చందనం
స్మగ్లింగ్ నేపథ్యంలో పక్కా మాస్ కమర్షియల్ ఎంటర్టైనర్ గా తెరకెక్కుతున్న ఈ
సినిమాలో అల్లుఅర్జున్ లారీ డ్రైవర్ గా కనిపించనున్నాడు. ఇప్పటికే రిలీజైన
ఈచిత్రం ఫస్ట్ లుక్ అంచనాలను పెంచేసింది.
రాయలసీమలోని చిత్తూరు యాస భాషతో పాటు అల్లు అర్జున్ మొరటు
కుర్రాడిగా కనిపించనున్నాడు. ఈ సినిమా మన నేటివిటీకి దగ్గరగా సహజత్వం ఉట్టిపడేలా
పాత్రలు పండాలంటే లోకల్ గానే షూటింగ్ చేయాలని చిత్ర యూనిట్ డిసైడ్ చేసిందట. వీటికి
సంబంధించిన కొన్ని విషయాలను ప్రముఖ ట్రేడ్ విశ్లేషకుడు తరణ్ ఆదర్శ్ సోషల్ మీడియా
ద్వారా ప్రకటించారు.