బడ్స్ లాంచ్ చేయనున్న రియల్ మీ

రియల్ మీ త్వరలో బడ్స్ ను లాంచ్ చేయనుంది. వీటి ధర, లాంచ్ డేట్, ఈ వివరాలు ఇవే.

ప్రముఖ స్మార్ట్ ఫోన్ తయారీ సంస్థ రియల్ మీ త్వరలో బడ్స్ ను కూడా లాంచ్ చేయనుంది. వీటి ధర కూడా రూ.2,000లోపే ఉండనుంది. రియల్ మీ బడ్స్ ఇప్పటికే చైనాలో సుమారు రూ.1,600 అమ్మబడుతున్నాయి.

రియల్ మీ మొబైల్స్ సీఎంవో ఫ్రాన్సిస్ వాంగ్ ఈ విషయాన్ని ట్వీటర్ ద్వారా తెలిపారు. రూ.2,000లోపే ట్రూ వైర్ లెస్ బడ్స్ కోసం చూస్తున్నారా? అయితే రియల్ మీ బడ్స్ క్యూ వచ్చేస్తున్నాయి అని ట్వీటర్ లో ఆయన తెలిపారు. ఫ్రెంచ్ డిజైనర్ జోస్ లెవీ సహకారంతో రియల్ మీ ఈ బడ్స్ ను రూపొందించింది. ఇందులో 10 మిల్లీమీటర్ల బేస్ డ్రైవర్ ను అందించారు. ఒక్కో ఇయర్ బడ్ బరువు 3.6 గ్రాములుగా ఉండనుంది. కేస్ తో కలిపి దీని బరువు 35.3 గ్రాములు మాత్రమే కావడం విశేషం.

ఈ కేస్ 30W ఫాస్ట్ వైర్డ్ టెక్నాలజీని సపోర్ట్ చేయడం విశేషం. అయితే ఇందులో వైర్ లెస్ చార్జింగ్ అందుబాటులో లేదు. కేస్ బ్యాటరీ సామర్థ్యం 400 ఎంఏహెచ్ కాగా, ఒక్కో ఇయర్ బడ్ లో 40 ఎంఏహెచ్ బ్యాటరీని అందించారు.

బ్లూటూత్ 5.0 టెక్నాలజీని ఇందులో అందించడం విశేషం. రియల్ మీ లింక్ యాప్ ద్వారా మీ స్మార్ట్ ఫోన్లకు దీన్ని కనెక్ట్ చేసుకోవచ్చు. ఇందులో ఉన్న ఇంటెలిజెంట్ వేర్ డిటెక్షన్ ద్వారా మీరు మీ చెవుల నుంచి వీటిని తొలగించగానే ఆటోమేటిక్ గా సంగీతం పాజ్ అవుతుంది.

దీనిలో సిలికాన్ తో తయారు చేసిన ఇంటర్ చేంజబుల్ ఇయర్ టిప్స్ ను అందించారు. ఈ సిలికాన్ టిప్స్, వీటి కేస్ పసుపు రంగులోనే రానున్నాయి. 119ఎంఎస్ లో-లేటెన్సీ గేమింగ్ మోడ్ ఫీచర్ ఇందులో ఉండటం విశేషం. కాల్ కంట్రోల్, ట్రాక్ చేంజ్, గూగుల్ అసిస్టెంట్ వంటి ఫీచర్లు కూడా ఇందులో ఉన్నాయి. ఐపీఎక్స్4 రేటింగ్ తో ఈ బడ్స్ ను రియల్ మీ లాంచ్ చేయబోతుంది.