మోటో వన్ ఫ్యూజన్ ప్లస్ సేల్ ఫ్లిప్ కార్ట్ లో నేడే ..

స్మార్ట్ ఫోన్ మార్కెట్లో తనకంటూ ఒక ప్రత్యేక మార్కెట్ ఏర్పరుచుకున్న మోటో నుంచి ఇటీవల కాలంలో వచ్చిన వన్ ఫ్యూజన్ ప్లస్ మంచి సక్సెస్ ను సాధించింది ..ఈ ఫోన్ క్వాల్ కాం స్నాప్ డ్రాగన్ 730జీ ప్రాసెసర్ పై పనిచేయనుంది. రూ.20 వేలలోపు అందుబాటులో ఉన్న బెస్ట్ ఫోన్లలో ఇది కూడా ఒకటి అని కచ్చితంగా చెప్పచ్చు.అయితే దీనికి సంబంధించిన సేల్ ఈరోజు(జులై 20వ తేదీ) మధ్యాహ్నం 12 గంటలకు ఫ్లిప్ కార్ట్ లో జరగనుంది..

ఈ ఫోన్ కేవలం ఒక్క వేరియంట్ లో మాత్రమే అందుబాటులో ఉంది. 6 జీబీ ర్యామ్ + 128 జీబీ స్టోరేజ్ తో లాంచ్ అయిన ఈ వేరియంట్ ధర లాంచ్ అయినప్పుడు రూ.16,999గా ఉంది. అయితే దీన్ని రూ.500 పెంచడంతో ఇప్పుడు రూ.17,499కు పెరిగింది. ట్విలైట్ బ్లూ, మూన్ లైట్ వైట్ రంగుల్లో ఈ ఫోన్ లాంచ్ అయింది.

ఇందులో 6.5 అంగుళాల ఫుల్ హెచ్ డీ+ డిస్ ప్లేను మోటొరోలా అందించింది. దీని యాస్పెక్ట్ రేషియో 19.5:9గా ఉంది. 6 జీబీ ర్యామ్, 128 జీబీ స్టోరేజ్ ను ఇందులో అందించారు. హైబ్రిడ్ మైక్రో ఎస్ డీ కార్డు ద్వారా దీన్ని 1 టీబీ వరకు పెంచుకోవచ్చు. క్వాల్ కాం స్నాప్ డ్రాగన్ 730జీ ప్రాసెసర్ పై ఈ స్మార్ట్ ఫోన్ పనిచేయనుంది. ఫింగర్ ప్రింట్ సెన్సార్ ను ఫోన్ వెనక భాగంలో అందించారు.

5000 ఎంఏహెచ్ సామర్థ్యమున్న బ్యాటరీని అందించారు. 15W ఫాస్ట్ చార్జింగ్ ను కూడా సపోర్ట్ చేయనుంది. ఆండ్రాయిడ్ 10 ఆపరేటింగ్ సిస్టంపై ఈ ఫోన్ పనిచేస్తుంది. డ్యూయల్ 4జీ వోల్టే, వైఫై, బ్లూటూత్ 5, జీపీఎస్ + గ్లోనాస్ వంటి కనెక్టివిటీ ఫీచర్లను ఇందులో మోటొరోలా అందించింది. ఈ ఫోన్ బరువు 210 గ్రాములుగా ఉంది.

ఇక వెనకవైపు నాలుగు కెమెరాలు అందుబాటులో ఉన్నాయి. వీటిలో ప్రధాన కెమెరా సామర్థ్యం 64 మెగా పిక్సెల్ కాగా, 8 మెగా పిక్సెల్ అల్ట్రా వైడ్ యాంగిల్ కెమెరా, 5 మెగా పిక్సెల్ మాక్రో కెమెరా, 2 మెగాపిక్సెల్ డెప్త్ సెన్సార్ లను కూడా ఇందులో అందించారు. సెల్ఫీ ప్రియుల కోసం ముందువైపు 16 మెగా పిక్సెల్ పాప్-అప్ సెల్ఫీ కెమెరా ఉంది.