Advertisement

  • వర్షాకాలంలో జుట్టు రాలకుండా ఉండాలంటే తీసుకోవాల్సిన జాగ్రత్తలు ..

వర్షాకాలంలో జుట్టు రాలకుండా ఉండాలంటే తీసుకోవాల్సిన జాగ్రత్తలు ..

By: Sankar Tue, 14 July 2020 12:34 PM

వర్షాకాలంలో జుట్టు రాలకుండా ఉండాలంటే తీసుకోవాల్సిన జాగ్రత్తలు ..



వర్షంలో తడవాలని చాలా మందికి కోరిక ఉంటుంది. అయితే వర్షం అంటే ఎంత ఇష్టమున్నా జుట్టు విషయంలో కొన్ని జాగ్రత్తలు తప్పనిసరిగా పాటించాలి. ముఖ్యంగా తరచూ వర్షంలో తడిసే అమ్మాయిలు జుట్టుపై ప్రత్యేక శ్రద్ధ చూపించాలి. వర్షాకాలంలో తేమ స్థాయి ఎక్కువగా ఉంటుంది. దీని వల్ల కుదుళ్లు బలహీనపడి జుట్టు రాలిపోతుంది. కాబట్టి ఈ కాలంలో జుట్టుపై తగిన శ్రద్ధ చూపించి జాగ్రత్తలు పాటించాలి. వర్షాకాలంలో మీ జట్టు రాలిపోకుండా ఉండటానికి కొన్ని చిట్కాలు..

1.వర్షాకాలంలో రోజూ తలంటు స్నానం చేయాలి. లేదంటే తేమ వల్ల మీ జుట్టు జిడ్డుబారిపోతుంది. దీని వల్ల కుదుళ్లు బలహీనంగా అవుతాయి.

2. తలస్నానం చేసేటప్పుడు యాంటీ-బాక్టీరియల్ షాంపూలు, క్లీనర్లు వాడాలి. ఫంగల్, బాక్టీరియల్ ఇన్ఫెక్షన్లను అరికట్టడానికి ఇవి ఎంతగానో ఉపకరిస్తాయి.

3. వర్షపు నీటిలో దుమ్ము ఎక్కువగా ఉంటుంది. అలాగే ఆమ్లసహితం కూడా. దీని నుంచి రక్షణ పొందాలంటే లీవ్ ప్రొడక్ట్స్ వాడాలి. ఇవి జుట్టుపై రక్షణాత్మకమైన పొరను ఏర్పరుస్తాయి. వర్షపు నీటి వల్ల జుట్టు రాలిపోకుండా కాపాడతాయి.

4.జుట్టు తడిగా ఉన్నప్పుడు జడ లేదా ముడి వేసుకోకండి. దీని వల్ల జుట్టు పాడవడమే కాకుండా దుర్వాసన కూడా వస్తుంది.

5. ఒకవేళ మీ జట్టు తడిస్తే, టవల్‌తో రుద్ది రుద్ది తుడవకండి. ఇలా చేయడం వల్ల జుట్టు రాలిపోతుంది. దీనికి బదులు టవల్‌ను మీ జుట్టకు చుట్టిపెట్టండి. నీరు మొత్తం పోయే వరకూ టవల్‌తో పిండండి.

6. జుట్టు రాలిపోవడానికి తడి జుట్టు కూడా కారణం కావచ్చు. అందుకే జుట్టు పూర్తిగా ఆరిపోయేవరకూ దువ్వెన వాడకండి.



Tags :
|
|
|

Advertisement