తెల్ల జుట్టు నల్లబడుటకు కరివేపాకు హెయిర్ మాస్క్

చిన్న వయసులోనే జుట్టు తెల్లబడడం వల్ల మనం వయసు కంటే పెద్దగా కనబడుతున్నామో అన్న ధ్యాస ఎక్కువగా ఉంటుంది. జుట్టు తెల్లబడడం అన్నది జీన్స్ లో ఉంటుంది. కొంత మందికి మాత్రం విటమిన్ బీ12, విటమిన్ డీ, కాపర్, ఐరన్ లోపం వల్ల ఏర్పడుతుంది. ఒత్తిడి వల్ల కూడా జుట్టు త్వరగా తెల్లబడుతుంది.

సన్ లైట్ కి ఎక్కువ గా ఎక్స్పోజ్ అవ్వడం కూడా ఒక కారణమే. హెయిర్ స్టైలింగ్ కోసం వాడే ప్రోడక్ట్స్ కూడా ఈ సమస్యని కలిగిస్తాయి. అయితే, జుట్టు తెల్లబడడం మొదలు పెట్టగానే కొన్ని పనులు చేస్తే ఈ ప్రాబ్లం కి చెక్ పెట్టచ్చు.అలాంటి వాటిల్లో ఒకటి ఇక్కడ చెప్పిన కరివేపాకు హెయిర్ మాస్క్. ఈ మాస్క్ జుట్టు కుదుళ్ళకి కావాల్సిన న్యూట్రిషన్ ని అందిస్తుంది. అందు వల్ల జుట్టు తెల్లబడడం ఆగిపోతుంది, తరవాత వచ్చే జుట్టు ఆరోగ్యకరంగా పెరుగుతుంది. ఈ హెయిర్ మాస్క్ రెగ్యులర్ గా వేసుకోండి, రెండు మూడు నెలల్లో తేడా మీకే తెలుస్తుంది.

మాస్క్ కు కావాల్సిన పదార్ధాలు:

* రెండు టేబుల్ స్పూన్ల కొబ్బరి నూనె
* పది పన్నెండు కరివేపాకులు

మాస్క్ ఎలా చేయాలి:

* కొబ్బరి నూనెని వెచ్చబెట్టండి.
* గోరు వెచ్చ కంటే ఇంకొంచెం వేడిగా అయ్యాక స్టవ్ ఆఫ్ చెయ్యండి.
* కరివేపాకులు నూనెలో వెయ్యండి.
* ఇరవై నిమిషాల పాటూ వదిలెయ్యండి.
* వేడి కొబ్బరి నూనె లోకి కరివేపాకు లో ఉన్న పోషకాలనీ వెళ్తాయి.
* ఇరవై నిమిషాల తరువాత కొబ్బరి నూనె చల్లారి ఉంటుంది కానీ, కొద్దిగా వెచ్చగా ఉంటుంది.


మాస్క్ ఎలా వేసుకోవాలి:

* ఈ నూనెని జుట్టు కుదుళ్ళ నించీ కొన వరకూ, స్కాల్ప్ అంతా పట్టించండి.
* బాగా మసాజ్ చెయ్యండి.
* కనీసం రెండు గంటలు అలా ఉంచండి. రాత్రంతా వదిలేసిన పరవాలేదు.
* మైల్డ్ షాంపూ తో తల స్నానం చెయ్యండి.
* కండిషనర్ వాడడం మర్చిపోవద్దు.
* చివర్లో నాలుగు చుక్కల విటమిన్ ఈ ఆయిల్ కూడా నీటిలో కలుపుకోవచ్చు. దీని వల్ల జుట్టు సాఫ్ట్ గా ఉంటుంది.
* ఇలా ప్రతి ఆదివారం చేసి చూడండి. మీ జుట్టు ఎంత చక్కగా తయారౌతుందో.