బ్యూటిఫుల్ స్కిన్ కేర్ దానిమ్మపండు

దానిమ్మపండు అందరు ఇష్టపడేది. రుచిగా, పోషక విలువలతో ఉండే పండు. గుండె పనితీరుని మెరుగుపరచడం దగ్గరనించీ, రోగనిరోధకశక్తిని పెంచే వరకూ దానిమ్మపండు మనకి చేసే మేలు అంతా ఇంతా కాదు. అయితే, దానిమ్మ పండు శరీరం లోపలికే కాదు, బయటికి కూడా ఎంతో హెల్ప్ చేస్తుంది. దానిమ్మ పండు స్కిన్‌కి చేసే మేలు కూడా ఎక్కువే. ఈ పండు చర్మాన్ని మృదువుగా చేస్తుంది. ముడతలు రాకుండా చూస్తుంది. చర్మం మీద ఉండే మచ్చలని పోగొడుతుంది. ఒక్క మాటలో చెప్పాలంటే క్లియర్, బ్యూటిఫుల్ స్కిన్ కోసం తీసుకునే కేర్ అంతా ఈ ఒక్కపండుతో అయిపోతుంది. ఈ పండుని మీరు మీ స్కిన్ కేర్ రొటీన్ లో భాగం చేసుకోండి, సహజంగా మెరిసే చర్మాన్ని మీ సొంతం చేసుకోండి.

ఫేస్ పాక్ వల్ల స్కిన్ డ్రై గా అవ్వకుండా ఉంటుంది. ఈ పాక్స్ స్కిన్ లో ఉన్న ఇంప్యూరిటీస్ తొలగించడంలో బాగా సాయపడతాయి. వాటిని చాలా పల్చగా అప్లై చేయాలి. వీటి ఫలితాలు కూడా తక్షణమే కనపడతాయి. దానిమ్మ రసాన్ని ఫేస్‌ప్యాక్ గా వాడొచ్చు. మీరు చేయాల్సిందల్లా దానిమ్మ రసం లో కొంచెం, అజ్టెక్ క్లే కలిపి ముఖానికి అప్లై చెయ్యటమే. ఒక గంట తరువాత చల్లని నీటితో కడిగేయడమే.

* ఆయిల్ క్లెన్సింగ్

ఫేస్ క్లెన్స్ చేసుకోడానికి చాలా మార్గాలు ఉన్నాయి. అందులో ఆయిల్ క్లెన్సింగ్ కూడా ఒకటి. ఆయిల్ క్లెన్సింగ్ వల్ల చర్మం మీద ఉన్న నాచురల్ ఆయిల్స్ పోకుండా మురికి, జిడ్డు మాత్రమే పోతాయి. ఈ ఆయిల్ క్లెన్సింగ్ కోసం దానిమ్మ గింజల ఆయిల్‌ని వాడొచ్చు. ఈ ఆయిల్‌లో ఫ్లేవనాయిడ్స్, ప్యునిసిక్ ఆసిడ్ వల్ల మీ చర్మానికి మంచి కాంతి వస్తుంది. పైగా స్కిన్‌కి కావాల్సిన నరిష్మెంట్ కూడా అందుతుంది.

* ఎక్స్ఫోలియేషన్

ఎక్స్ఫోలియేషన్ వల్ల చర్మం మీద పేరుకున్న డెడ్ సెల్స్‌ని సులభంగా తొలగించగలం. ఇది రెగ్యులర్‌గా చేస్తూ ఉంటే స్కిన్ ఫ్రెష్‌గా, మెరుస్తూ ఉంటుంది. క్లియర్, స్మూత్ స్కిన్ కోసం దానిమ్మ గింజల ఆయిల్‌తో ఎక్స్‌ఫోలియేషన్ చేయండి. ఈ దానిమ్మగింజల స్క్రబ్ తయారు చేయడానికి మీకు కావలసిందల్లా దానిమ్మ గింజలు, రోజ్ వాటర్ మాత్రమే. దానిమ్మ గింజల్ని రుబ్బి, కొద్దిగా రోజ్ వాటర్ కలిపి ముఖానికి అప్లై చేయండి. వేళ్లతో మృదువుగా రుద్దుతూ ముఖమంతా నీట్‌గా స్క్రబ్ చేసేయండి. ఆ తరువాత చల్లని నీటితో కడిగేయండి. ఎంత ఫ్రెష్‌గా, రిఫ్రెషింగ్‌గా ఉంటుందో ఒక్క సారి చేసి చూస్తే మీకే తెలుస్తుంది.

* స్కిన్ టోనర్‌

స్కిన్ టోనింగ్ వల్ల స్కిన్‌కి రక్తప్రసరణ మెరుగుపడుతుంది. టోనింగ్ వల్ల మేకప్ కానీ, క్లెన్సెర్ కానీ మిగిలిపోతే ఈజీ గా తీసెయొచ్చు. రెగ్యులర్ టోనింగ్ వల్ల స్కిన్ హైడ్రేటెడ్ కూడా ఉంటుంది. దానిమ్మరసాన్ని స్కిన్ టోనింగ్ కూడా వాడొచ్చు. మీ ముఖాన్ని క్లెన్స్ చేసేసిన తర్వాత కొంచెం దానిమ్మ రసంలో కొద్దిగా యాపిల్ సైడర్ వెనిగర్ వేసి ముఖం మీద అప్లై చేయండి. ఈ రసం ఎక్కువగా రాస్తే ముఖం మీద చర్మం బాగా లాగినట్లుగా అయ్యి కడిగేసేవరకూ ఇబ్బంది పెడుతుంది. అందుకని జాగ్రత్తగా చూసుకుంటూ రాయండి.