- హోమ్›
- జాతకం ఓర జోతిష్యం›
- జూన్ 5 న చంద్ర గ్రహణం
జూన్ 5 న చంద్ర గ్రహణం
By: Sankar Tue, 02 June 2020 6:22 PM
జ్యోతిష శాస్త్రం ప్రకారం గ్రహణాలు ఎంతో ప్రాముఖ్యత ఉంటుంది. ఎందుకంటే గ్రహాల స్థితిగతుల ఆధారంగా భూత, భవిష్యత్ వర్తమాన కాలాలను అంచనా వేస్తుంటారు పండితులు. అందులోనూ గ్రహణం రోజు వీటి ప్రభావం మనుషులపై ఇంకా ఎక్కువగా ఉంటుంది. ముఖ్యంగా చంద్రగ్రహణం.. ఈ ఏడాది ఇప్పటికే ఓ సారి వచ్చింది. గత జనవరిలో తొలిసారి గ్రహణం ఏర్పడగా.. జూన్ 5న రెండో సారి చంద్రగ్రహణం రానుంది. పూర్తిగా వైవిధ్యంగా ఉండనున్న ఈ చంద్రగ్రహణం సాధారణంగా కనువిందు చేయనుంది. గ్రహణం సమయంలో చంద్రుడిని పూర్తిగా వీక్షించవచ్చు. అంతేకాకుండా మీ పనులు మీరు చూసుకుంటూనే పౌర్ణమి రోజు చంద్రుడిని పూర్తి స్థాయిలో వీక్షించవచ్చు. ఈ గ్రహణం వల్ల మతపరంగానూ ఎలాంటి నిషేధం ఉండట్లేదు. మరి జూన్ 5న ఏర్పడనున్న ఈ చంద్రగ్రహణం ప్రత్యేకతలేంటో ఇప్పుడు చూద్దాం.
జ్యేష్ట మాసంలోని పూర్ణిమ రోజైన జూన్ 5న చంద్రగ్రహణం ఏర్పడనుంది. ఆ రోజు గ్రహణం అర్థరాత్రి 11.16 గంటలకు ప్రారంభమవుతంది. జూన్ 6న తెల్లవారు జామున 2.34 గంటలకు చంద్రగ్రహణం ముగుస్తుంది. ఈ చంద్రగ్రహణాన్ని దేశవ్యాప్తంగా అన్ని ప్రదేశాల్లో ఉన్నవారు వీక్షించవచ్చు. సంపూర్ణ చంద్రగ్రహణంగా ఏర్పడనున్న నేపథ్యంలో చంద్రుడి ఆకారంలో ఎలాంటి హెచ్చుతగ్గుల సంభవించవు. ఆకారంలోనూ ఎలాంటి మార్పులు ఉండవు. అయితే గ్రహణం సమయంలో చంద్రుడు కాంతి కొంచెం క్షీణిస్తుంది. ఈ ఏడాది ఇప్పటికే ఓ సారి చంద్రగ్రహణం ఏర్పడింది. ఏడాది ప్రారంభంలోనే జనవరి 10న చంద్రగ్రహణం ఏర్పడింది.
చంద్రగ్రహణం ప్రారంభమవక ముందు చంద్రుడు భూమి ఉపఛాయలోకి అడుగుపెడతాడు. దీన్నే చంద్రమాలిన్యం అని అంటారు. ఆంగ్లంలో పెనుంబ్రాల్ అని పిలుస్తారు. అనంతరం భూమి వాస్తవిక ఛాయలో చంద్రుడు ప్రవేశిస్తాడు. ఈ సమయంలో వాస్తవికమైన చంద్రగ్రహణం ఏర్పడుతుంది. అయితే చాలా సార్లు చంద్రుడు, భూమి ఉపఛాయలోకి ప్రవేశించిన వెంటనే ఆ నీడ నుంచి బయకు వస్తాడు. ఇలాంటి సందర్భాన్ని ఉపఛాయ చంద్రగ్రహణం అని అంటారు. ఈ సమయంలో చంద్రుడు పాక్షికంగా మాత్రమే దర్శనమిస్తాడు. ఫలితంగా చంద్రుడు నశించినట్లు అగుపిస్తాడు. దీన్నే ఉపఛాయ చంద్రగ్రహణం అని అంటారు.
శాస్త్రాల
ప్రకారం వాస్తవిక చంద్రగ్రహణం కంటే ఉపఛాయ చంద్రగ్రహణం కొంచెం వైవిధ్యంగా
ఉంటుంది. ఈ గ్రహణం నియమాలు కూడా విభిన్నంగా ఉంటాయి. ఈ సమయంలో పూజలు
నిషేధించరు. ఇది కాకుండా గ్రహణం చూడకూడదనే నియమం లేదు. అంతేకాకుండా
ఆహారాన్ని తినవచ్చు. అంతేకాకుండా దైనందిన జీవితంలోనూ ఎలాంటి మార్పులు
సంభవించవు. అంతేకాకుండా గ్రహణం సమయంలో విరాళం ఇవ్వాలనే నియమం కూడా దీనికి
వర్తించదు.